October 11 2011
edit!
Hob i doch des schlechte Wetter am Montag amol ausnutzen
und mein Fotosauhaufen aufräumen miassen.
Viel isch nit passiert seit Sizilien. Klettern war i
natürlich schon ober die Kamera war nit so oft dabei. Ab und
zua amol a Schnappschuss, donn a poor Fotos aus Kroatien und
Osttirol, amol bouldern in Tumpen und dann hob is no mitn
Essen probiert, also zum Fotografieren, und des hott gor nit so
schlecht funktioniert.
Also viel Spaß daweil mit durchschaun. Iatz wird no
garbeitet a poor Wochen, donn gehts noch Spanien zum pullen im
November, do werdn donn scho wieder a poor Fotos
ausaschaun. Hoff i halt.
Hasta la vista ;)
April 28 2011
edit!
Highlive Trip in Sizilien war der Hammer und
so a Woche schneller um wia ma moant (detailierten Bericht
übern Ausflug gibts unter
http://highlive.at), ober zum Glück hob i
dann no 2 Wochen Urlaub kopp, es Wetter hatt mitgspiel und so war i
des ein oder andere mal klettern. Schian wars auf da China
Mauer, in Oberried, im Niederthai und am Götterwandl.
Auf der Suche noch a poor neue Projektln, isch die Kamera eher
dahoam blieben. Ober de poor Fotos was donn doch endstandn
sein, stehn wie immer in die
Blog
News zum Begutachten bereit.
Vieleicht kimmt die Kamera in nächster Zeit wieder
öfter mit, also schauts holt ob und zua wieder amol
vorbei.
Ajo - als
Vorgeschmack auf den nächsten MCT
Stammtisch (Donnerstag, den 5. Mai im Dorfkrug), wo
es a kloane Diashow vom Highlive Trip in Sizilien geben wird, sein
a poor Fotos schon im
Blog
News Ordner zu sehen.
Viel Spaß
March 26 2011
edit!
Bei den super Verhältnissen, hommers uns natürlich
nit nemmen lossen, und sein des öfteren auf die Chinesische
Mauer gfahren. Und weil die Buaben und Madln so fleißig
kletterrrrn, wor ob und zua amol a nettes Foto dabei.
Voll motiviert gehts iatz morgen zur Mafia noch Sizilien, hoff
i konn eich von do wieder a poor Eindrücke mitnehmen, also
schauts grod wieder amol vorbei.
Ajo und prägts eich des Foto vom Waldi guat ein, wer
woaß ob er mit der gleichen Frisur wieder zruck kimbt aus
Italien. (Böse Zungen behauptn was anders) :)
Viel Spaß daweil amol mit de Foto. (Wie immer unter Blog
News)
Ciao
February 07 2011
edit!
Scho wieder Montag, schu wieder a Wetter, dass es
kitschiger nimma mehr gang und schu wieder Fels unter
die Finger. Diesmal Treffpunkt in da Leutasch! Noch an kloanem
Frühstück gings mit da Daunenjacke im Gebäck
richtung Mauer.
Ziemlich schattig wors no am Parkplatz und so hamma uns
endlich amol überwunden, was neues auf da Mauer anzuschau
und so hatts uns zu den Streifen verschlagen. A poor lässige
Touren sein do oben, Leolo Lozone nur zum Empfehlen, und dem Namen
verpflichtet homma ins die Piefke-Saga natürlich nit endgehen
lassen. Mi hotts zwar im ersten Moment nit so gfreid, ober zum
Glück hob i jo die Bergführer mitkobt. :)
A Danke für des nette Tagl und dem gmiadlichen Feierabend
Bier meinen Bergführern (Wato, Matthi und Lu) und im Maler, da
Maria und im Daniel.
A poor Fotos hatts ah abgeben zu Begutachten unter dem Blog
News Ordner. Viel Spaß damit.
January 26 2011
edit!
Als i am Sonntag in Wetterbericht für Montag glesen hab,
wor i schu ganz aufs Ausschlafen eingstellt, da aber unser Captain,
da Bernie, es Wetter im Süden mitverfolgt hatt, hob i ma
schnell no in Dienstag frei gnommen, und um 7 war Treffpunkt beim
Liebherr. No schnell gfrühstückt in Völs und ab
übern Brenner und wias holt schon so üblich isch, ab
Sterzing isch Verlass aufs Wetter. Umma 11 homma nocher no
gach eincheckt im Hilton von Ceredo und zmittag war ma donn ah schu
am Fels. Motiviert war ma jo gwesen, ober gor so viele rote Punkte
homma nit verteilen kennen.
Die Kamera hob i mitghabt, gar so viele Schnappschüsse
sein sich nit ausgangen, und de einigen wenige sein weider unter
Blog News zum sechn.
Fazit:
Zwoa lässige Tag am Fels seins gwesen, super Wetter und
Sonnenschein, und wer konn schu behaupten er hatt die komplette
Wand von Ceredo für sich alloan khobt? Also wer amol zu
Wochenbeginn frei hatt, und sei Ruah haben will, der isch do
untn genau richtig. ;)
Ajo und meine ersten Kletterfotos vom letzten Jahr hob i iatz
ah endlich beinander, uns somit iatz unter Climbing zum sechn. Viel
Spaß damit, und hoff sie gfollen eich.
January 17 2011
edit!
Da heit Montag war und es Wetter halbwegs in Ordnung
gwesen isch, die Studenten, Doktoren und Köch nit lernen oder
orbeitn miassen, hamma uns dacht giama a runde klettern. Bei
Sonnenschein und gmiadlichen Temperaturen hommas donn schu a poor
Stündln auskholten oben in der Gallerie. Die Kamera hob i a
mitghobt, de haben sich die Burschen glei untern Nagl grissen und
siehe da, a paar Bildln sein dann ah no zustande kemmen. Danke
Burschen und Mädls so lass i ma a freies Tagerl gfollen. (Die
Bilder des Tages findets im Ordner Blog News - übrigends
Fotos powerd by Dr. Poidl a.k.a. da schnellste Gipsfuaß
Einwickler vom Oberland und Waldi Waldemar Waldhart)
